Nimin dar 10:30am khan District Crime Conference Lunglei S.P. Office Chamber-ah  neih a ni a. Hetah hian Lunglei District chhunga O/C zawng zawng bakah Lunglei khaw chhunga Investigating Officers an tel a. Meeting Chairman S.P. Pu Lallianmawia chuan he Meeting hi kaihruaiin, Lunglei District-a Case chhui lai mekte sawiho niin hmalak dan tha zawk te rel ho a ni. Lunglei District chhungah thilsual tihna hluar zel tur ven nan leh chak zawka dan bawhchhia te man chhuah an nih a, dan anga hrem an nih ngei theihna tura tan la thar  turin a fuih bawk a.

Hei bakah hian Crime Investigation-a Finger Print pawimawhna te leh, thil sual thlenna hmun venhim pawimawhna te, misual hnuhma leh kuthnu te Police ten an enfiah hmaa mipuiten an lo khawih danglam fo thin chu, misual chhuina kawnga min ti thuanawptu a ni tih sawiin, mipui tepawh hetiang lam kawngah inzirtirna nasa zawk pek a tul zia te a sawi bawk a ni. Tunlai Computer Age-ah Police te pawh in up-date a tulzia sawiin, hemi atan hian police te Computer hmang thiam theuh turin inzirtirna neih tum a ni. Lunglei Police Station-ah hmeichhe lam Case khawih bik tur Women Cell din thar turin hma lak mek zel a ni tih a sawi bawk.

Khua a thal chho dawn a, kangmei lakah kan fihlim theihna turin O/C tin te pawh anmahni awmna hmuna khawtlang hruaitute nen tang hovin mipuite fimkhur tura hriatir theuh turin a chah bawk a ni. Kum 2009 chhungin Case Register 243 zingah Case 209 chinfel a nih thu leh, kumin 2010 chhungin Case 26 Register niin, Case 8 tihfel tawh a ni thu leh, la chinfel lohte chinfel a nih thuai theihna turin Case I.O. tinte hriattir an ni bawk. O/C tinte mahni bial chhung theuhah mipui te nena thawhhona tha tak an neih theihna tura hma la theuh tur leh, an duty-na hmuna a tha ber nih tum theuh turin a chah bawk a ni.

Comments (0)

Subscribe to this comment's feed