10 July 2025: Agriculture Department leh Farmers Welfare Lunglei buatsaihin National Mission on National Farming Programme 2025 -2026 flag off hun vawiin chawhma dar 11:00 khan BCM Hall Serkawnah hman a ni a, Rev.Vanlalmuankima BCM AGS-in hunserh a hmang a, Pu V.Malsawmtluanga MLA, HPC Vice Chairman chu khuallian a ni.
Flag off programme hi Pu VL.Hmangaihchhunga District Agriculture Officer, Lunglei chuan kaihruaiin he Programme hi Mizorama District hrang hrang zingah Lunglei Dist chu flag off hun hmang hmasa ber a ni, a ti.
Khuallian HPC Vice Chairman Pu V.Malsawmtluanga chuan Mizorama a hmasa ber ni tura Lungleia Natural Farming Programme kalpui a ni tur chu lawmawm a tih thu a sawi a, Natural Farming chu India sawrkar leh Mizoram sawrkar pawhin a tam thei ang ber kalpui a tum a, Scheme anga kalpui tur a ni a ti. He scheme kalpui turah hian a ti tak tak turte beneficiary thlan an ni dawn a ti.
Natural Farming Programme flag off hun hmannaah hian Serkawn cluster hnuaia khawtlang hruaitute leh loneitu engemawzat telin, flag off hun hman zawhah KVK, ATMA leh Vety department atanga mithiamten he huna loneitu kalkhawmte hi Natural Farming an kalpui dan turah zirtirna an pe a ni.
