17 July 2025: Ram luah man pek loh thubuai avanga June ni 28, 2025-a Court thupek anga building leh office kalh sak; Mizoram Polytechnic Lunglei chuan naktuk July ni 18, 2025 atangin zirna kalpui tan an tum.
MPL, Lunglei Principal-in kan palai a hrilh danin naktuk atanga zirlai naupangte’n zirna an chhunzawm theih nan vawiin lam khan a theih ang angin an inbuatsaih tih a sawi. Naupangte thutna tur leh dawhkan tur zirna In pakhat tuna function tawh lo hnen atangin an hawh tih sawiin an naupangte daih erawh hawh tur a awm lo a ti. Class room atan tunhmaa Boys hostel hlui dining hall thin bakah Girls hostel hlui te, auditorium leh quarter ruakte an hmang dawn tiin, Staff room leh office atan auditorium hnuai an hmang thung ang a ti. Class room pangngai leh office kalh sak an nih avangin office hna tak tak thawh theih erawh anih dawn loh thu leh zirlaite tan practical pawh a tih theih dawn loh thu Principal chuan a sawi.
MPL, Lunglei hi ram luah man chungchangah thubuai neiin Court chuan a kalh sak a, ram luah man pek tur zat ram neitu lamin an phut chu July ni 16, 2025 a sawrkar lamin pek a tum chu July ni 21, 2025 a pek turin a sawn leh rih a ni.
