17 July 2025: Vawiin khan Mizo Zirlai Pawl Headquarters, Lunglei hruaitute chuan Health Minister Pi Lalrinpuii chu a pisa-ah kawmin, Civil Hospital Lunglei-a doctor indaihlohna te leh hospital bawlhhlawh phurhna motor chungchangte an thlen.
MZP Hqrs Lunglei hruaitute chuan tun dinhmuna Civil Hospital Lunglei-a doctor awmlo pathum- Pathologist, Opthalmologist leh Psychiatrist chungchang Health Minister hnenah hian an thlen a. Health Minister Pi Lalrinpuii chuan Opthalmologist leh Pathologist chu dah an nih tur thu a lo sawi a, Psychiatrist bik chu Sawrkar-in advertisement an tih chhuahah pawh diltu an awmloh avangin tun dinhmunah chuan tih ngaihna a awmloh thu a sawi.
Doctor indaihlohna chungchang bakah hian MZP Hqrs Lunglei hruaitute chuan Civil Hospital bawlhhlawh paihna motor hlui tawh lutuk thlak turin Health Minister chu an ngen a, Minister chuan a rang thei ang bera thlak anih tur thuin a lo chhang a ni.
