24 July 2025: North East India Mineral Water siamna lian ber nia ngaih CASCADE Malsawm Industries, IIDC Pukpuia awm chu vawiin chawhma khan MJA Lunglei-te’n an tlawh.
CASCADE Malsawm Industries hian nikum 2024 January thla atang khan hna an thawk tan a, hetiang Industries siam phalna petu Bureau of India Standard chuan a hmunah rawn endik tawhin North East India a tui thianghlim in tur siamna lian ber a nih thu an sawi.
CASCADE-ah hian tui an tih thianghlimna khawl chikim bakah Bottle hampuarna khawl ‘Pet Blow Molding’ awm bawkin, thlakhatah tui bottle Nuai 1 an siam chhuak thei. Tui thianghlim an siam Mineral Water-te hi litre 1 Rs 11.60 leh litre chanve Rs 7/- in an pe chhuak thin a ni.
