24 July 2025: Vawin chawhma lam dar 10:30 khan Convention Centre-ah Mizo Students’ Union Regional Hqrs Lunglei chuan MZU in Under Graduate result a tih chhuah tak a Rank Holder-te Lawmpuina leh Awareness campaign on Substance Abuse Programme an hmang.
He hun hi Chairman Pu Roluahpuia’n kaihruaiin Pu J.Lalmuankima MPS Superintendent of Police chu khuallian niin, Pu B.Lalkhawngaihzuala, President MSU General Hqrs chu Uaptu a ni.
Khuallian Pu J Lalmuankima chuan zirlaite fuihin, hlawhtlinna kawng pawimawh tak chu Nu leh Pa thuawih anih zia te leh Drugs tih ve chhin loh a pawimawh zia te sawiin, zirlai te chu ti ve chhin lo turin a fuih a, ruihhlo chu ram leh hnam hmelma anih mai bakah thalai nun tam tak suattu a ni, a ti.
Uaptu Pu B Lalkhawngaihzuala chuan zirlaite leh Mizo te chu hnam tlem te kan nih avangin ram leh hnam hmangaihna rilru pu chung zelin zirna bei turin a chah.
Pu Lalthangliana President MSU Regional Hqrs Lunglei pawhin zirlaite fuihna thu a sawi bawk. Zirlai ti tha lawmpuite hi an vaiin mi 14 an ni a, Lawmpuina thuziak leh MSU sash hlan an ni.
