Nimin July ni 24, 2025 khan Chief Minister Pu Lalduhoma kaihhruaiin DP & AR Minister Pu K.Sapdanga, Higher & Technical Education Minister Dr. Vanlalthlana leh Official pawimawhte chu Higher & Technical Education hmalakna hrang hrang te sawiin CM office-ah an thukhawm.
Mizoram Engineering College chungchang sawi a ni a. Engineering College hi nakum Academic Year atanga kalpui tan theih tumin chak taka hmalak mek a ni. A hmun hmate thawm that nan Mizoram sawrkar chuan Rs Nuai 2541.19 tun hnai khan a pe a, hna an thawk tan thuai dawn tih tarlan a ni. He college-ah hian Civil, Mechanical, Electrical leh Computer Science & Engineering course ah te seat 30 theuh neia bultan tum a ni.
Mizoram Polytechnic Lungleiin harsatna a tawh mek chungchang sawi a ni a, Supreme Court hearing a awm hnai dawn a, tha taka inbuatsaih anih thu tarlan a ni.
Assistant Professor, Qualify lo te chungchang sawi a ni a. Tunah hian part time 24, contract 3, Mizoram Polytechnic 3 leh Law College 1 an awm mek a, Ni 3.7.25 khan Show Cause notice pek vek an ni. Part time a thawk mi 10 ten petition an file a, court thutlukna ngaihchan mek a ni.
Mizoramah hian H&TE enkawl UGC approved college 23 a awm mek a, chung zingah chuan College pakhat chu Grade A+ niin, College 3 te chu Grade A a ni.
