MJA District Hqrs Lunglei Committee Room thar leh Rental House LMC Chairman-in a hawng
25 July 2025: Vawiin chawhnu dar 2:00 khan MJA District Hqrs Lunglei chuan Press Club Conference Hall-ah General Meeting neiin hemi hnu hian Committee Room thar leh Rental House; Press Club Building ami hawnna hun an hmang nghal.
General Meeting hi Pu Lianchama Chhangte Vice President-in a kaihruaia Secretary leh Treasurer hnen atangin report ngaihthlak anih bakah President Pu H.Lalthansanga’n MJA nihphung leh inkaihhruaina awmzia te, member-te hriat tur pawimawh hrang hrangte a sawi.
General Meeting an neih zawh tlai dar 3:30-ah Conference Hall hnuaia Committee Room thar leh man chawia luah tura buatsaih Rental House chu LMC Chairman Pu Lalzuithanga’n a hawng a Conference Hall-ah hawnna puala inkhawm tawi neih zui nghal niin President Pu H.Lalthansanga’n a kaihruaia Khuallian LMC Chairman Pu Lalzuithanga’n thu a sawi. Electronics Media chak tak karah beidawng duh lo va in bei tang tang hi in Pa a, in ngaihsan awm a, beidawng lovin theihtawp chhuah zel ang che u, a ti.
LMC chungchang sawiin, NREGS-in kan lung a ti leng rei lutukte pawh hi a tha lo va, LMC atangin rethei leh harsa zawkte chawikanna tur chu a la awm ve dawn tho a ni tiin, hun inthlak thleng lai taka kan awm lai hian kan insiamrem loh chuan a pawi dawn a ni, a ti.
He hunah hian Pu C.Lalhruaitluanga MIS, DIPRO Lunglei pawhin thu sawiin, Print Media kalsan chuang lova Digital Media nena kalkawp kan thiam chuan kan Print Media hlutna a belhchhah theih bakah hlawkna tam zawk pawh kan hmu thei ang tih hriaa hman tangkai thiam kan zir zel a tul a ni tiin, Lunglei Times blogspot thar a tlangzarh nghal.
