28 July 2025: LMC Vice Chairman leh LMC Ward number 7-na Councillor ni bawk Pu K Lalrinawma chuan vawiin chhun khan a ward chhunga zirlai hlawhtling pathumte a office chamber-ah a lawmpui a, lawmpuina thuziak leh pawisafai a hlan; chungte chu:-
Esther Lalrinkimi d/o Pu Lalnunpuia, MZU atanga MA (Psychology) 4-na.
Lalmuansangi d/o Pu Lalmuanzuala (L), MA (English), MZU –a 5-na.
Joshua Vanlalhnehpuia s/o Pu David Lalmuanzuala, BCA MZU-hnuaia 2-na.
Zirlaite hnenah hian lawmpuina thuziak leh pawisa fai Rs 5,000 theuh LMC Vice chairman hian a hlan a. Post Graduate-a MZU Rank holder zirlai pahnihte hi Pi Lalrinpuii, Health minister, Lunglei East Bialtu MLA ni bawk hmingin, ZPM Chanmari Unit hruaituten lawmpuina thuziak an hlan bawk.
He hun hmannaah hian zirlaite leh an chhungte bakah, Ward committee member, Chanmari Local Council member leh ZPM Chanmari Unit hruaitute telin thu an sawi a. Pu Chawngchhuana Chongthu, Zonet JB Editor chuan zirlaite lawmpuina leh fuihna thu a sawi bawk.
Pu K Lalrinawma chuan zirlaite chu thinlung taka a lawmpui thu a sawi a, an thiamna te chhungkua, khawtlang leh ram tan hmang tangkai turin a chah a ni.
