Indian Army chuan India ram hmun hrang hrangah August thla chhung hian Sipai lak runpui a kal pui dawn a. He Sipai lak runpui-ah hian Army Recruiting Office, Aizawl pawhin Mizoram district tin atanga Sipai intlar tura tlaka ngaih (shortlisted candidates)te tan Army Recruitment Rally hi Rajiv Gandhi Stadium Mualpui, Aizawl-ah Nithum chhung (7th-9th August,2025) a buatsaih dawn.
Sipai intlar turte chuan Rajiv Gandhi Stadium Mualpui, Aizawl-ah August ni 7 zing dar 4:00Am-ah in report tur a ni a. Admit card leh Rally notification-a document tarlante kha ken vek tur a ni.
Shortlisted candidate-te hian 1.6 Km tlan, basic physical fitness test bakah physical measurement leh medical examination te Rajiv Gandhi Stadium-ah hian an nei nghal dawn a ni.
Shortlisted candidates Admit card la dawng lo te chuan Army Recruiting Office, Aizawlah ngaihven tur a ni ang. He Sipai lak runpui chungchanga thil hriatchian zawk duhte chuan he Army official website www.joinindianarmy.in hi lo tlawh ngei tura hriattir an ni a, he website-ah hian shortlisted candidates te,admit card download tur te, Rally ni-a ken tur document pawimawh chungchang te a awm a ni.
