29 July 2025: Vawiin chawhnu khan Govt.J Buana College-ah Protection of Children from sexual offences act 2012, Ending Cyber bullying leh Child related laws te zirhona hun hman a ni.
He zirhona hi District Child Protection Unit, Lunglei, Superintendent of Police, Lunglei, District Programme Officer (WCd) leh Equal Opportunity Cell, GJBC te tanghova buatsaih a ni.
Pu David Zaitinvawra, DCPO Lunglei chuan Naupang venhim kawnga tanlak pui turin zirlai naupang kalkhawmte a sawm a ni. He hunah hian Pi S Lalrotluangi, LPO, DCPU Lunglei chuan hursualna laka naupangte venhimna dan leh a bawhchhetute hremna dan (POCSO Act,2012 ), he dan hnuaiah hian thi tur hiala hrem theih anih dan te zirtirna pein, Pi C Ramnunmawii DSP, Lunglei chuan Cyber bullying chungchang Social Media hrang hrang hmanga midangte zahawmna ti bawrhbangtute hremna dan hrang hrangte hmangin zirtirna a pe bawk.
