30 July 2025: Lunglei District Congress Committee (LDCC) hnuaia Programme Committee bultumin LDCC chuan vawiin chawhma dar 11:00 khan Lunglei Press Club-ah Lunglei Nula leh Tlangval Ban Elh chakte pualin hun an hmang a, Pu Thanghmingliana Renthlei, LDCC, G.S-in a kaihruai.
He hunah hian Pu R.Lalnunthara LDCC President chuan, tunhma atangin LDCC chuan Party tana hamthatna beisei vang ni lo va Leitlangpui ti hmingthatute chawimawi phu chu chawimawi ve thin ni rawh se, ti a ruahmanna lo awm tawh sa zulzuia Programme Committee-te’n ruahmanna an siam a ni, a ti. Pu Mathara chuan vawiina an puala hun buatsaih sak Ban Elh chakte chu Pathian tih chung leh insum theihna nen dinhmun sang zawk thleng zel tura tan la sauh sauh turin a chah a ni.
Ban Elh chakte puala hun hmanna inkhawmah hian Lunglei District Arm Wrestling Association President Pu K.Lalrinpuia leh Lunglei District Sport Committee Sr.Vice President, Pu P.C Lalramnghaka te pawhin thu sawiin, hetiang hun buatsaih avang hian midangte hnenah chona nasa tak a pek ngei an beisei thu sawiin, LDCC chungah lawmthu an sawi.
Vawiina an puala hun LDCC-in a buatsaih Ban Elh chakte chu:-
1.Emily C.Rohluzuali d/o C.Lalthlanpuia, Venglai,Lunglei.
National Armwrestling & Para Armwrestling Championship-2025 Kerela a neihah 55kg Youth-ah silver lain 55kg Senior-ah bronze a la.
2.Lalbiakfela s/o B.Lalramnghaki, Rahsiveng
National championship 2025, Kerela-ah 60kg youth leh senior (left)-ah gold ve ve.
3. Reuben Lalhmangaihzuala s/o LH Zothanpuia, Collegeveng .
National championship 2025, Kerela-ah Junior right hand-ah gold medal, Junior left hand-ah silver medal.
4. C Lalnunpuia s/o Saizampuii Venglai.
World Police and Fire Games, Birmingham, Alabama, USA-a Arm wrestling 110kg-ah gold leh silver.
Chawimawina thuziak hlan theuh an ni.
