04 Aug 2025: UD&PA Department thuchhuahin a tarlan danin, Thenzawl Peace City project chu state capital sawnna tur project niawmin tunhnaiah sawi a awm a. Hei hi sorkar laipui atanga lehkha lokalah ziah sual palh a awm vang a ni. Thenzawl Peace City project Detailed Project Report (DPR) siamna tur atan hian sawrkar laipui, Ministry of Housing and Urban Affairs (MoHUA), in Rs 10.00 Cr. a rawn sanction tawh a, state capital sawnna atan ni lovin Peace City at Thenzawl atan DPR pawh ruahman mek a ni, tiin a tarlang.
