06 Aug 2025: Mizoram Public Service Commission (MPSC) chuan Mizoram Civil Services (Combined Competitive) Preliminary Examinations – 2025 chu ni 08.08.2025 (Zirtawpni) hian Mizoram chhung Exam Centre hrang hrangah a buatsaih dawn a. He Examination hi Aizawl khawpui chhung Institution/ Venue – 6 (paruk) bakah Mizoram District Headquarters zawng zawngah neih a ni ang. Preliminary Examination hi shift hnih (2)- chawhma leh chawhnuah thenin Exam buatsaih tur a ni a, 1st Shift-ah Paper-I (General Studies) niin, chawhma dar 10:00-ah tan a ni ang a, 2nd Shift chu chawhnu dar 2:00 ah tanin, Paper – II (Aptitute Test) exam tir an ni thung ang. Paper – II hi qualifying paper atan chauha hman tur a ni a, he paper-ah hian 33% tal candidate in a hmuh phak a ngai a. Paper-II a 33% hmu phak te zing atangin Paper-I a mark hmu sang apiang ten Preliminary Exam hi an paltlang dawn a ni.
Mizoram Civil Services (Combined Competitive) Preliminary Examinations -2025 atan hian mi 4740 ten application an thehlut a. Aizawl District-ah candidate 3856 (PwBD – 15) leh Lunglei Ditrict-ah candidate 252 (PwBD – 2) awmin, a bak zawng chu Ditrict dang atangin a ni.
