Larsap hnenah Lungleia State University a awm theih nana hmalak sak turin an ngen
08 Aug 2025: Mizoram Governor Gen.V.K. Singh chuan vawiin khan Lunglei a tlawh a Lunglei Dist a sawrkar hotute leh tlawmngai pawl hrang hrang aiawh ten an lo dawng sawng.
Governor hian D.C Office Conference Hall a Sawrkar Department hotute Meeting a neihpui hnuah 20Bn AssamRiffle a tlawh leh a, Circuit House-ah Tlawmngai Pawl hrang hrang aiawh ten an hmu. Governor hmutute zinga mi YMA Sub Hqrs Lunglei hruaitute chuan Civil Hospital Lungleiah MRI khawl bun a nih theihna tura hmalak sak turin Governor hi an ngen a, Governor hian lo enzui a tum thu a sawi.
MSU Regional Hqrs Lunglei hruaitute leh MZP Hqrs Lunglei hruaitute pawhin Governor hnenah hian Mizoram Polytechnic Lungleiin harsatna a tawh mekah zirna mumal an kalpui theih nan an building kalh sak atanga hmanrua an mamawh te lak chhuah sak dan tur ngaihtuah sak turin an ngen a, Governor chuan a ngaih pawimawh thu leh bawhzui nghal a tum tih a sawi a. Hei bakah hian State University Lungleia a awm ngei theih nana hmalak sak tura an ngenna pawh Governor hian Lungleia State University dah chu thil awm tak nia a hriat thu leh a tul anga hmalak a tum tur thu Zirlai Pawl hruaitute hi a hrilh a ni.
Governor Gen.V K. Singh hi MHIP Sub Hqrs hruaitute, Kohhran hruaitute leh Ex- Servicemen League te pawhin an hmu a ni.
