18 Aug 2025: Vawiin chawhnu dar 1:00 khan MNF Sub Hqrs Lungleia Vigilance Committee chuan thuthar thehdarhtute kawmin, HPC Lunglei hnuaia kum 2024 atanga 2025 chhunga hnathawh hrang hrang an hmuh dan an sawi.
Vigilance Committee Chairman leh MNF Sub Hqrs Lunglei Treasurer ni bawk Pu H.Lalremruata hova thuthar thehdarhtute an kawmnaah hian, MNF Sub Hqrs hnuaia Vigilance Committee te chuan kum 2024 atanga 2025 chhunga HPC sum hmanga hnathawh hrang hrangte tarlangin, heng hnathawhte chinpawr hi an tum anih loh thu leh mipuite’n an hnathawh te hi hre ve se; ngaihdan siam zawk se an duh thu an sawi.
HPC hnuaia hnathawh hrang hrang an tarlan dan chuan, Community Base Organisation-te’n hna an thawh 22 awmin, hnathawh nana sum hman zawng zawng chu Nuai 108.8 niin, HPC Fund atangin za zela 15.83 a ni a, Link Road siam nan hna 18 thawh niin, hnathawh nana sum belhkhawm chu Nuai 146.7 niin za zela 20.96 a ni. Gov’t Agency-te hnathawh zawng zawng chu 29 a ni a, sum hman ral zawng zawng Rs Nuai 213.73, za zela 30.53 niin Work pangngaiah hna 42 thawh ni bawkin, sum hman ral zawng zawng chu Nuai 225.57, za zela 32.22 anih thu an tarlang.
