25 Aug 2025: Vawiin chhun khan MNF Party chhung inkhawm Mizo hnam run, Lungleiah hman a ni a, he huna political session huna thusawitu Dr. K. Pachhunga (Ex MLA) chuan chhim lama University chungchang a sawi.
Dr.K.Pachhunga chuan, kum 2018 a MNF a sawrkar khan CM Pu Zoramthanga leh Higher & Technical minister Dr.Thangtea hova MZU Southern Campus atana an beih nasat thu leh a hmun tur pawh Revenue deptt. -ah land lease tihfel hman a nih thu a sawi a. Theihtawp chhuaha beih anih hnuah central sawrkar lam pawhin a remtihpui hnuah covid hrilengin a tihbuai zui tak thu leh India sawrkarin higher education kalphung thlaka, ‘state tinin State university neih vek tur’ a tih thu a sawi a.
MNF sawrkar khan committee a siam hman chauh a, ZPM sawrkar a lo piang ta a ni, a ti. Tuna sawrkar hian chhim lam hawi duh miah lovin, Aizawlah dah a tum nghal a, Lungleia dah ngei tura zirlai pawl te’n an ngen viau laiin, chhuanlam hrang hrang siamin Lunglei chu dahna tlak rih lohah min chhuah ta a ni ber, a ti.
