30 Aug 2025: Vawiin chawhnu dar 2:30 khan Mizo Zaimi Inzawmkhawm (MZI) Hqrs Lunglei chuan an Raising Day Vawi 45-na pualin Hotel Silver Mount-ah hun an hmang. Robert Lalengliana MZI Hqrs Lunglei Information Secretary-in a kaihruaia, Pu K.Lalrinpuia Adviser-in hunserh a hmang.
Khuallian Pu Lalzuithanga LMC Chairman leh MZI Hqrs Lunglei Patron ni bawk chuan Raising Day vawi 45-na lawm thei a MZI a la kal zel chu lawmawm a tih thu leh hruaitute fakawm a tih thu a sawi a. MZI chu a telna pawl a nih anga an hmalam hun atan fuihna thu sawiin, pawl a kan tel anih chuan pawl mitmei ven thiam leh pawl duh dan zawm thiam a tha a, chuvangin Zaimi te pawhin mi lar nih tak avanga pawl ngaihnep loh tur a ni, a ti. Pu Zuia chuan Pawl hrang hrang leh Sawrkar Department te nen thawhho thiam tum turin a chah a. Kan hla te; kan chetzia te ti hmasawn zel turin tan kan lak angai a ni a ti bawk.
MZI Raising Day Vawi 45-na lawmnaah hian MZI Hqrs Lunglei Vice President Pu ZH.Ropuia, MJA Lunglei aiawh leh MDM Lunglei aiawhte’n Raising Day chibai bukna thuchah an sawi bakah mal zai leh intihhlimna te in hun an hmang a ni.
