11 Sept 2025: Vawiin chhun khan Thingfala BCM Mamte Biak In chu a chim.
Thudawnnain a sawi danin, nizan atang khan a che tan an tih avangin vawiin lamah bungrua an thiar chhuak vek hman. Tukinah Pastor leh Village Disaster Committee te chuan lei khik dan hi an enfiah a, an enfiah hnu pawh hian khik belh zelin; vawiin chhun dar 12:00 vel khan a chim ta a ni.
Lawngtlai Area lam BCM hotuten a hmun hi an pan nghal bakah D.C Office Lunglei lam atangin Official-te’n a hmun an pan nghal bawk.
Company lamin Biakin bul kawng ko an laih dawn hian Kohhran lam nen inremna siamin, Retaining Wall sang tha tawk taka rem turin an inrem a. Amaherawh chu, Company lam hian Retaining Wall hi meter 3 chauha an rem avanga hetiang thil hi thleng ta niin khawtlang hruaitute chuan an sawi.
BCM Biakin Mamte, Thingfal hi an Biakin thar an hawn atangin kumkhat pawh a la tling lo va, tun dinhmunah member 150 chuan hlek an lawi mek a ni.
Kawng laih hna hi NHIDCL hnuaiah ABCI-in an thawk a ni.
