29 Sept 2025: Lunglei District Agriculture Office chuan ṭhingtam avangin Lunglei District khaw hrang hrangah sazu a puang nia report an dawn bawhzuiin, tun kar Zirtawpni, October ni 3, 2025 khian Lunglei District chhunga khaw ṭhenkhatah sazu hrai runpui (mass poisoning) kalpui turin ruahmanna an siam.
Hemi atan hian Lunglei DAO Pu VL Hmangaihchhunga chuan vawiin khan detailment order tichhuakin, team 3 a siam a. Team 1-nain Thingfal, Mamte leh Thlengang; Team 2-nain Ṭawipui North-I, Ṭawipui North-II leh Mualcheng South; Team 3-nain Ramlaitui te an tuam ang.
Lunglei DAO chuan sazu an hraina tur khaw pasariha khawtlang hruaitute chu sazu hrai ni aṭang hian an khua ṭheuhvah sazu/chepa rep zawrh leh thawn chhuah turte fimkhur taka vensak a, a sa pawh ei lo tura hma laksak tur leh venpui turin a ngen a. Lunglei District mipuite pawh sazu leh chepa leh hetiang sa chi reng reng lei leh ei chungchangah fimkhur turin a chah bawk. (DIPR)
