02 Oct 2025: Vawiin hi North East India PYD Social Work Day (Vantlang tana hnathawh Ni) vawi 25-na a ni a, Lunglei District chhunga PYD dinna Local hrang hrangin he ni hi Vantlang tana hnathawh ni atan an hmang.
Local ṭhenkhatin zingkarah an hmang a, Local tam zawkte chuan chaw eikhamah an hmang thung. Vantlang tana hnathawh ni anih angin Local tam zawk chuan khawlai dung tihfai, thlanmual kawng leh thlanmual sam fai, Vantlang zunin siam leh tihfai, thingphun enkawl lai tihfai, tuikhur leh a vel a thing/changel phun leh tihfai hna an thawk a. Community Hall leh a vel te, Damdawiin leh a vel te tihfai hnatlang nei an awm bawk.
Kum 2025 District PYD Conference Report-a a lan danin Lunglei District chhungah PYD member Mipa – 3,678, Hmeichhia – 2,183 an vaiin 5,861 an awm mek a ni.
