Lunglei; 08th Oct 2025: Tukin dar 5:30 vel khan Tlabung peng-a hnamdang thingpui dawr kawtah mi pahnih mipa leh hmeichhia thi a hmuh an ni. Thi a hmuh te hi P.Lalrinsanga (28), Farmveng leh Enjedi Ramngaihawmi (24), Lunglawn te an ni a, an chhungte ve ve in an identify hnuah Civil Hospital Lungleiah postmortem niin, vawiina vui tura ruahman an ni. Chanchin buatsaih lai hian heng mi pahnihte thih chhan hi hriat a la ni lo.
Hetihlai hian tukin dar 3:00 vel khan Lunglei Zotlang BSF Camp bulah Scooter pakhat chesualin, he chetsualna avang hian Angela Remsangpuii (14), Lunglei Ramthar venga khawsa chu a thi. Civil Hospital Lungleiah postmortem a nih hnuah an khua Belthei-ah vui turin a ruang hi kalpui tura tih a ni.
