08 Oct 2025: Mizoram Public Service Commission (MPSC) hnuaia Combined Assistant & UDC Examination, 2025 chu October ni 9, 2025 (Ningani) hian Mizoram puma exam centre 26-ah buatsaih a ni dawn a. Candidate 8,953 awmin, Aizawlah exam centre 16 leh district hmunpui dangah centre pakhat ṭheuh a awm.
Lungleiah chuan Lunglei Government College-a room parukah exam hi buatsaih a ni dawn a. Candidate 559 awmin, an zinga pathum chu vohbik (PwBD) candidate an ni.
Combined Assistant & UDC Examination, 2025-ah hian paper pahnih awmin, Paper-I hi zing dar 9:00 aṭanga chhun dar 12:00 thleng exam a ni ang a, Paper-II hi chawhnu dar 1:30 leh dar 4:30 inkar chhungin exam a ni ang. Combined Assistant & UDC Examination, 2025 hi DP&AR (SSW) hnuaia Assistant (Level 7) post 30 leh department hrang hrang (GAD, Finance, PHED leh Excise & Narcotics) hnuaia Upper Division Clerk (Level 6) post 36 hnawh khahna tur a ni. (DIPR)
