Zobawk bul ‘Ngharte tlang’ chu Sawrkar Official leh All NGO Coordination Committee, Zobawk ten a hmunah kalin ‘Joint Inspection’ an nei
Zobawk bul ‘Ngharte tlang’ chu Sawrkar Official leh All NGO Coordination Committee, Zobawk aiawhten a hmunah kalin ‘Joint Inspection’ an nei
State Sport Academy Zobawk Forest Reserve huam chhung ami compensate-na tura Zobawk khawtlangin an tih; Ngharte tlang (Zobawk atanga Km 6 vel) chu ruahman lawk angin Aug ni 22, 2023-ah Sawrkar Official leh All NGO Coordination Committee, Zobawk aiawhten a hmunah kalin ‘Joint Inspection’ an nei.
Zing dar 7:00 khan Zobawk atangin inspection team te hi a rualtlangin an kal a, Ngharte tlang ram hi a hmunah chiang leh zualin an enho a ni.
Inspection team-ah hian Revenue dept atangin Pu Lalrosanga Surveyor- I, Pu Bernard Lalhmunsanga, Surveyor, Pi Chhawnveli, Revenue Field Worker (RFW) te kalin, Forest Dept atangin, Pu Vanlalzarzoliana, R.O, Thanchamliana, Forester, Pu T.Lalhmangaihzuala, Forester leh Pu Joseph Rorelliana, Forest Guard te kalin, All NGO Coordination Committee Zobawk atangin Pu R. Zothansanga, Asst. Secy, All NGO Coordination Committee, Zobawk a kal bawk.
Helai ram an enho chungchang hi District thuneitute hnenah report pein an la sawiho leh dawn a ni.
