Vohbik naupang Lalremruata, Mamit High Schoolveng ami thattu ni a rinhlelh zinga pakhat a inpuang. Midang inhnamhnawih an awmlo niin Police-te’n an sawi.
Vohbik naupang Lalremruata (11) S/o Lalvulmawii Mamit High School veng, August ni 17, 2023 atanga a chin hriat lova bo, August ni 23, 2023 a thi a hmuh thattu ni a rinhlelh pahnih Mamit Police Station-a kawl zinga pakhat chu nimin August ni 25, 2023 tlai lam khan a inpuang.
Mibo Lalremruata ruang chhar anih atang hian Mamit Police te chuan pawikhawihtu zawnchhuah tumin theih tawp an chhuah a. Rinhlelh thil thuah mi 10 lai thu zawhfiah tura koh an ni. Heng mi 10 zinga pahnihte chu rinhlelh bik leh hnuchhui kawnga anmahni pui thei tur nia ringin an kawl a, heng mi pahnih zinga pakhat chuan a thah a ni tih August ni 25, 2023 tlai lam khan a inpuang ta a ni.
He tual thahnaah hian midang inhnamhnawih an awm lo tih Mamit Police-te chuan an sawi.
Tualthattu ni a inpuang hi August ni 25 zan la la khan Central Jail a dahluh turin Aizawl panpui nghal a ni.
– Mami Chawngthu, Accredited Journalist
