Sept ni 6, 2023 tlai lama Sekhum leh Ramlaitui inkara ramri lui fintu luite a chakai meichherchhit tumte’n mihring ruhro ni ngeia ngaih an hmuh chu tukin (Sept ni 7) dar 4:00 vel khan Lunglei Police Station thlenpui a ni.
Ruhro hi Kanghmun South khaw mi Lalmuansanga (34), kum 2018 December thla-a chin hriatloh a bo kha anih rinna a awm a. Ruhro leh a bula kekawr awm chu Sept ni 8, 2023-ah Forensic Science Laboratory, Aizawlah enfiah tura thawn a ni dawn niin thudawnna chuan a sawi.
