Sept ni 7, 2023 khan Lunglawn, Salem, Luangmual, Theiriat, Sethlun, Hrangchalkawn, Thaizawl, Vaisam, Runtung, Thangpui, Thangte leh Chithar khua te tan Sethlun hall-ah SEDP 2nd phase launching programme hman a ni a. Beneficiary- Horticulture 24, Industries 143, Agriculture 21, Soil Dept 29, Vety 393, Fishery 8, an zavaiin 618-te’n SEDP 2nd Phase APR an sign a ni.
He hunah hian Dr.K.Pachhunga MLA, Lunglei South bialtu chu khuallian niin, Line Dept hrang hrangten zirtirna pein infuihna hun an hmang a ni.
Khuallian chuan, Motor kan nei a mahse, petrol leina kan neih loh chuan a tlan theilo ang chiahin SEDP hi mi taima, thawkrimte tana an bultanna tur tanpuina; petrol inthunsakna a ni tih SEDP dawngtuten kan hriat a pawimawh a ni, a ti. MNF Sawrkar chu kan thutiam ang ngeiin kan kal zel dawn a, Rs Nuai 3 hi kan sem hrim hrim dawn a ni, a ti.
Dr.K.Pachhunga chuan kalkhawmte chu mirethei, kuthnathawk, mitaima te eizawnna bultanna Sum petu che u leh pek zel tumtu Sawrkar nge in duh, Si-ki pawh pek tum ve lo tu Party tih lo inngaihtuah ula, min hmangaihtu hmangaih leta duhsakna hlan let hi a Mizo a, Kristiante tihawm reng a ni tih hre turin ka duhin ka chah bawk che u a ni, a ti.
Nimina Programme hman hi Pu PC.Lalramnghaka@Sena, VCP Sethlunin a kaihruai a ni.
