Ex MLA Pu Mahima’n dawta amah leh Congress sorkar puhtute a ngaihdam thu a sawi
Joseph Lalhimpuia, Ex MLA & Gen.Secy MPCC chuan Lunglei District Congress Committee (LDCC) Bhawan-a vawiin (Sept ni 11, 2023)-a Political Session-ah Central school, CBSE patern zawm school neih a tul thu sawiin Congress a sorkar chuan hemi atan hian hma an la dawn a, zirna lamah hma kan sawn ngei ang, a ti. Ramtharveng, Lunglei-a Kendrya Vidyalaya School (KVS) din chungchangah a tir lamah bialtu MLA amah chu mithenkhatin an puhmawh tih sawiin mahse, a cho ang ngeiin tumahin opposition anih hnuah pawh an chhui ngamlo niin a sawi.
Pu Mahima chuan dan dik lova MNF-in KVS an tih chingpen vangin Congress sorkar lai khan HPC atangin Rs Nuai 21 zeta rulh a ni tiin, Congress vanga KVS Ramtharveng ami hi din a ni, a ti. KVS chungchangah dawta amah leh Congress sorkar puhtute chu Pathian hminga a ngaihdam thu a sawi bawk.
