Lunglei Municipal Council, Vice Chairman Pu K.Lalrinawma chuan vawiin chawhmalam khan a Office Chamber-ah thuthar thehdarhtu thenkhatte kawmin October 2023 atangin Lungleia lirthei Parking Fee lak chu LMC kutah a awm dawn thu leh Parking fee atanga chhiah tlingkhawm Lunglei hmasawn nan hman a ni ang a ti.
LMC Vice Chairman Pu Awmtea chuan tuna Parking Area awmsa bakah Parking Area thar leh No Parking Area thar engemawzat siam belh tum a ni tih sawiin, Parking area awmsa a, Parking Fee khawn mekte chu Sawrkar kumthar anih hma chuan khawn zui tir an nih dawn thu leh Parking Area thar bik atan Tender chhuah anih tur thu leh Parking fee te chu Lunglei hmasawn nan hman a ni ang, a ti a. Sumdawng hote tan bungraw load leh unload kawngah lirthei an Park-na tur remchang zawk ruahman sak tum a ni, a ti.
District road leh veng chhung inkalpawhna kawngpui kama mimal lirthei dah tam lutuk chuan kawng a tihchep avangin hemi sukiang tur hian Ward Committee leh khawtlang hruaituten hma an lak tur thu LMC Vice Chairman chuan a sawi bawk.
