INC hruaitu Rahul Gandhi chuan Congress Party-in Mizoram tana a ngaihpawimawh chu sakhaw humhim a ni, a ti
Lunglei; 17th October 2023: Congress Party hruaitu Pu Rahul Gandhi, Lok Sabha MP chuan vawiin chawhnu dar 1:00 khan Lunglei a lo lut a; Tennis Court hlui, Venglai-a Congress Party huaihawt vantlang inkhawmah thu a sawi a ni.
Pu Rahul Gandhi chuan, Congress Party-in Mizoram tana kan ngaihpawimawh em em chu hnam zia/thil lo chin thin dan, tawng leh sakhaw humhim hi a ni, Pu Rahul Gandhi chuan a ti.
AICC President hlui chuan, “Mizoram mipuite tan hmathlir kan chhawp tur a ni,” kan ti, a ti a; record pawh kan nei— Kum 1995-ah Lengpui Airport kan siam a, kum 2010-ah Rajiv Gandhi Stadium kan siam a, Mizoram State Cancer Institute leh Zoram Medical College pawh Congress hmalakna a ni a, NLUP pawh 2011-ah kan sem bawk a ni, a ti a. Tunah hian a tang apiang an dinchhuah theihna turin ‘Tang puihna’ kan rawn chhawpchhuak a. Vawk an vulh emaw, sum enkawl lam a ni emaw, dawr a ni emaw, direct-in an mahni hnenah tanpuina pek theih turin kan rawn duang a ni, a ti. Eirawngbawlna Gas bûr man pawh Congress a sawrkar chuan Rs 750/- ah a tla thla dawn a, Senior Citizen te tan Old Age Pension thlatin Rs 2,000/- pek a ni ang, a ti bawk.
