30 Oct 2023: Union Minister for Road Transport and Highways Pu Nitin Gadkari chuan Mizoram district 9 chhun tur leh state thenawm leh ram thenawm pawh tur kawngpui sial hna chu Rs vaibelchhe 20,000 sengin nakum atanga thawh tan a ni dawn, a ti.
Pu Nitin Gadkari chuan, District 6 paltlang Aizawl leh Tuipang inkar National Highway kawng siamthat hna chu Rs 7,361 sengin kum tharah zawh fel tum a nih thu a sawi a, Myanmar-a Sittwe lawng chawlhhmun pawh tur, Rs vaibelchhe 1,132 senga siam Kaladan Multi Modal Transit Transport Project chu kumin November hian zawhfel beisei anih thu a sawi a. Aizawl khawpui pumpelh kawng (by-pass road) lei hnuai km 2 leh a chanve verha kawng km 34 siam nan Rs nuai 2,500 ruahman hna kal mek chu kum 2025 a zawh hman tura a ruahman a nih thu a sawi bawk.
Dampa assembly bial chhung, West Phaileng khua a vantlang inkhawmah he thu hi sawiin Pu Nitin Gadkari chuan kawngpui siam hna hi nakum atanga thawh tan a nih tur thu a sawi a. Dampa bialah hian BJP Mizoram President Pu Vanlalhmuaka a campaign pui a ni. [AIR]
