03 Nov 2023: MZP Headquarters Hnahthial chuan Vawiin chhun khan Tarpho khuaah Zirlai tiṭha chawimawina hun an hmang a, Pu Jimmy Lalrosanga, President, MZP Hqrs Hnahthial chu Khuallian a ni a, Pi R Lalramdinmawii District Child Protection Officer chu khualzahawm a ni.
Vawiin chhun vek khan Hausiampa Hall, Haulawngah MZP Sub-Headquarters Haulawng bul tumin Zirlai tiṭha Chawimawina hun hman a ni a, Pu V.Malsawmtluanga, ZPM Lunglei North Official Candidate chu Khuallian niin, Chinkhanmanga Thomte, General Secretary MZP General Headquarters chu Uaptu a ni.
MZP Headquarters Hnahthial chuan Tarpho khua aṭanga HSLC leh HSSLC pass te chawimawina thilpek a hlan a, Class I-IX a pakhatna atanga pathumna chin lawmpuina thilpek a hlan bawk.
MZP Sub-Headquarters Haulawng-ten zirlai tiṭha an chawimawite hi BA leh a chunglam I Div chin chunglamte niin, BA pass mi 13 leh MA pass mi 6, an vaiin mi 19 an ni.
