16 Nov 2023: Vawiin Dar 11:00Am khan MZP Headquarters: Lunglei chuan Marpara South-ah Zofate Chawlhbuk sakna tur hmun endikna hun an hmang.
He hunah hian VC member-te leh Marpara South-I leh II YCA O.B-te nen Joint meeting neiin, Meeting hi MZP Hqrs Lunglei, President Lalpeksanga Chenkual-in a kaihruai a, dan lo va ramri lo kan te kan zavai atana hnawksak an nih avangin venhim leh a do kawngah tanrual a ngai, a ti a. Marpara chu ramri dep anih avangin ram humhim nan Zofate chawlhbuk sak hi MZP chuan a ngai pawimawh em em a, Mizoram chhung ramri tin hi venhim a ngaih thu a sawi bawk.
VC leh YCA aiawhte pawhin thusawiin, VC member-te leh YCA OB-te’n Joint meeting an lo neih tawh thu sawiin, Marpara South hmun-a MZP-in Zofate chawlhbuk sak a tum chu tha an ti a, an thlawp tlat thu an sawi a, a sak chungchangah pawh a tawp thlenga puih an inhuam thu an sawi bawk a ni.
He hunah hian MZP Headquarters, Lunglei atangin President, Secretary, Treasurer, Secy i/c Activities leh MZP Sub Hqrs, Bunghmun President-te an kal a. Remchang hmasa berah MZP chuan Zofate Chawlhbuk hi a sa dawn a ni.
