30 Nov 2023: Central YMA thuchhuak bawhzuiin December ni 3, 2023-a MLA inthlanpui Vote chhiar tum duhlohna kal zelah zanin dar 8:00 khan Lungleia NGO, Co-ordination Committee chu Sub-Hqrs YMA Conference Hall Lunglei-ah Meeting neih a ni.
NGOCC Emergency Meeting chuan Central YMA ruahmanna angin naktuk dt.1.12.23 (Zirtawpni) dar 11:00-1:00Pm hian Mizofed kawtah Kristian Ni Serh Humhalh Punkhawm hman ni se tiin a rel a, he hunah hian Mizo hnam leh Kristian te chu kal vek turin an ngen a ni. He huna kal turte chuan Mizo Hnam ziarang lang tam thei ang inbel turin a ngen bawk a ni.
