Mizoramah kumin January atanga September thla thlengin mi 2233 chu HIV an vei tih hmuhchhuah a ni a, hei hi sample 54,904 test atangin hmuhchhuh niin test atanga 4.1 % in an vei tih hmuhchuah a ni.
Mizoram State AIDS Control Society chhinchhiah danin mi 2233 hmuhchhuahte hi Integrated Counselling and Testing and Centres (ICTC) leh antiretroviral therapy (ART) atanga hmuhchhuah an ni a, kum 1990 atangin kumin September thla thleng khan Mizoramah HIV positive 29,514 hmuhchhuah an awm tawh a, kum 2006 atangin mi 23,857 ten ART an la tawh bawk.
HIV hi kum 2006 atanga chhinchhiah danin thihpui mi 4,703 an awm tawh a, heng zingah hian naupang 80 an tel a, HIV vei mek zingah 41.94% chu kum 25 atanga kum 34 inkar niin 27.58% chu kum 35 atanga kum 49 inkar an ni a, 21.77% chu kum 15 atanga kum 24 inkar niin 5.93 % chu kum 50 chunglaman ni a, kum 14 hnuailam 2.78% an awm bawk.
HIV vei zawng zawng zingah hian hmeichhia 8,747 awmin mipa 18,333 an awm a, MSACS hotute sawi danin Mizorama HIV a pun zelna chhan chu invenna tel lova mipat hmeichhiatna hman leh ruihhlo tih dawna hriau thianghlimlo hman vang te leh chhan hrang hrang vang te a ni tih an sawi a ni.
