05 Dec 2023: Vawiin chawhma dar 11:00 khan CMO Office Conference Hall Lungleiah Sensitization Meeting on Malaria Elimination neih a ni.
Meeting-ah hian Dr.L.C.Liana Chief Medical Officer chuan, Malaria chu umbo tumin theihtawp chhuah thin mahila a la bo tak tak theilo va, malaria avanga nunna chan kumtin an la awm zel a ni; a ti. Malaria natna umbo turin Health Department a thawktute mai an tawk zolo tih Dr. L.C.Liana chuan sawiin, khawtlang hruaitute leh tlawmngai pawl hruaitute nen Malaria natna laka him dan tur mipuite zirtir kawngah nasa zawka tan lak zel a pawimawh a ni; a ti.
Resource Person-te’n an tarlan danin kumin January thla atanga October thla thlengin Lunglei District-ah Malaria Test mi 39,116 neih niin heng zinga mi 4,282 te’n Malaria hrik an kai tih hmuhchhuah a ni tih an tarlang.
Vawiina Sensitization Meeting on Malaria Elimination-ah hian Malaria natna dona kawnga hmalakna pakhat atan kumin chhung hian Lunglei khawpui chhung veng thenkhat leh thingtlang khaw engemawzatah damdawia chiah Thosilen sem tum anih thu an sawi.
