11 Dec 2023: Vawiin khan Lunglei District Congress Committee (LDCC) chuan LDCC Bhavan ah Devotion leh Political Session hun an hmang a, Pu Laltlankima Pautu, Treasurer LDCC chuan kaihruaiin; Pu Eric R.Zomuanpuia’n hunserh a hmang a ni.
Political Session-a thusawitu Pu PC Lalthanliana MPCC GS/Ex Minister chuan “Congress Party hi Pathianin hunrei tak aṭang tawhin min kaihruai tawh ṭhin a, dinhmun ṭhat chang leh hniam chang te pawh awm ṭhin mahse mipuite tan Pathianin a khaichhuak leh ṭhin a, kan kal tawhnaah leh inthlan kan hmachhawn tawhnaah te duhthusam ang vekin thil kal lo mahse kan dinna ngaiah ding tlat ila, tumah insawisel mai lovin hmalam hun kan panna turah infuihthar zel ang u tiin Party mite a sawm.
Kumin Inthlan kan neih zawh taka sawrkarna siamtu ZPM chu Kuthnathawktute tan, thlai chingtute tan, rethei leh hnuaihnung zawk leh mipuite tana Sawrkar innghahna tlak leh chhenfakawm tak ni turin duhsakna a hlan nghal a ni.
LDCC hian tunkar ni 15th Dec(Zirtawpni) hian kumin atan Bhawan kharna hun an hmang dawn a, Lunglei District chhung mitinte Kristmas leh kumthar hlim taka hmang turin duhsakna an hlan a, Sorkar thar pawh duhsakna an hlan nghal a ni.
Nakum 2024 Jan ni 15-ah Bhawan hi an hawng leh ang.
