December ni 9 – 15, 2023 chhung Guwahati leh Shillong chhehvela hmun pawimawh thenkhat tlawh a zin MJA Lunglei member 9 leh an mahni hruaitu Pu N.Vabeiratlua, Dy. Director i/c IPRO Lunglei te chuan December ni 16.2023 tlai khan tluang takin Lunglei an lo thleng.
MJA Lunglei member Press tour a kalte hian an mahni kaihruaitu Lunglei IPRO kaihhruaina hnuaiah Guwahati a hmun pawimawh thenkhat Planetarium, State Museum leh a dangte bakah Shillong chhehvel a hmun hmingthang, Asia khawmualpuia khawfai ber Mawlyngnon, khawvela lui tui fim ber Dawki River, Living Roots Brigde leh hmun dangte tlawhin heng hmun hrang hrang an tlawhna a sawrkar hmalak dan te, khualzin ten an tlawh nasat dan te leh State sawrkarin tourism hmanga sum a lakluh dan te an zirchiang a hlawk thlak an ti hle.
Hetihlai hian sawrkar hmalakna hmunpui thenkhat tlawh tura an inruahman harsatna dang avanga an tlawh theilo erawh pawi an tih thu an sawi a, an zin chhunga an thlenna tur lo ruahman saktu Shillong leh Guwahati DRC te chungah lawmthu sawiin, an zin theihna tura sum ngaihtuah saktu Pu C.Lalrinsanga Ex-Minister chungah leh a tul ang anga lo buaipuitu MJA General Hqrs hruaitute chungah lawmthu an sawi bawk a, buaina leh harsatna tawklo a tluang taka an zin theihna tura vengtu leh kaihruaitu Pathian hnenah lawmthu an bawk a ni.
