Dr.K.Pachhunga’n mitthi phurhna atana a lei Bolero Pik-up Lunglei D.C hnenah hlan
22 Dec 2023: Dr.K.Pachhunga Ex- MLA, 33- Lunglei South bialtu hluiin MLA anih laia a bial chhunga mitthi phurhna atana MLA Fund atanga a lei Bolero Pik-up, MZ02B/ 9695 chu vawiin chawhnu dar 1:00 khan Lunglei D.C Pi Ramdinliani hnenah a hlan. Lunglei D.C chuan engtia hman zui tur nge anih tih chu midangte nen an inrawn hnuah a nih dan tur ang taka tangkai taka hman zui a ni ang, a ti.
Dr.K.Pachhunga aiawha lirthei hlantu a P.A ni thin Pu Lalhmingmuana chuan, Social Media hrang hranga Dr.K.Pachhunga Pik-up lei bo ang leh TNT a pe anga tarlan chu thu diklo a ni tiin, mimal intihhmingchhiat tumna mai a ni a ti a, lirthei chu MLA Fund atanga lei a nih angin sawrkar Property a ni a, thil tihfel ngai eng eng emaw a awm avangin D.C hnenah hian kan hlan hma theilo mai a ni, a ti.
