27 Dec 2023: Khawvel ram hrang hrangah leh ramchhung hmun dangah pawh Covid-19 a darh leh mek laiin Mizoramah chuan Covid-19 hri kai hmuh thar a la awm leh rih lo.
October ni 18 khan sample 2 endik zinga pakhat chuan Covid-19 hrik a kai tih hmuhchhuah a ni a, hei hi Mizorama hri kai hmuhchhuah hnuhnun ber a ni a. Heta Covid-19 hri kai hmuhchhuah dam taka enkawlna hmun atanga a chhuah ni, October ni 25 atanga tun thleng hian Covid-19 hri kai hmuhchhuah an awm leh ta rih lova, Covid-19 hri kai awm lovin thla 2 chuang Mizoram chu a awm ta a. Krismas pawh Covid-19 hri kai nei lovin hlim taka lawm a ni.
Hetih lai hian tun hnaiah Covid hrik chhuak thar JN.1 sub-variant chu USA a hmuhchhuah a nih hnuah India ram tiamin ram 40 deuh thaw-ah hmuh a lo ni leh tak zel avangin World Health Organisation (WHO) chuan ‘Variant of Interest’ ah a puang a; tun dinhmunah erawh lo hlauhthawn tur a awm rih loh thu a sawi a ni.
Hetiang hi thil awm dan a nih avangin sorkar laipui leh Mizoram Health Department chuan ‘Covid Appropriate Behaviour’ (CAB) an tih mai zawm tha turin mipui an ngen a. Hmui tuamna vuah that leh, midangte nena inchim tam loh leh kut sil ngun turin mipui an chah a ni. (AIR)
