12 Jan 2024: Vawiin khan Chief Minister Pu Lalduhoma chuan a pisaah Mizoram State Agriculture, Horticulture, Forestry & Marketing Co-Operative Federation Limited (MAHFED) hruaitute a kawm.
Chief Minister hian, tuna Mizorama Fertilizer dealers neitute hian an leitha zawrhte mipui nawlpui ban phaka siam lovin, to zawkin dan lovin an tiral thin a. Chuvang chuan an license te kan cancel vek dawn a, a tharin license kan pe chhuak dawn a, mipuiten an mamawh ang zat, sawrkar rate-a an lei theih ngei hi kan duh a ni, a ti. Nangni MAHFED te chuan hmunhmate in nei thaa, in hralh ruk a rinawm loh bawk a, license thar pawh in hmu zui thei turah ka ngai a ni, a ti bawk. An mamawh dang an thlen te leh central lama project umzuipui an mamawhnaah te pawh hlawhtlin tak tak tuma hma an la a nih phawt chuan tanpui dan dap sak a inhuam thu a hrilh bawk ni.
MAHFED hruaitute hian hmunhma an mamawhna thu te Chief Minister hnenah hian thlenin, ruahmanna an siam mekte pawh an hrilh a ni.
