29 Jan 2024: Mizoram Information Commission hotuten vawiina an Pisa a thu thar lakhawmtute an kawmnaah; Chief Information Commissioner Pu John Neihlaia chuan RTI zawhna lut zawng zawng atanga 98% chuang chu complaint chhunzawm lo va chinfel theih a ni a ti.
CIC chuan Local body Village Council leh Local Council pawh Public authority-ah rinluh tel niin RTI zawh ve theih an ni tih a sawi a; hei hi mipuiten an la hre tawk lo va a hriat thu leh thuthar lakhawmtute chu mipui hriattir kawnga thawhpuiah a sawm a, hei bakah hian sorkar Dept website a dah ngei tur dah leh dah loh vilzui kawngah thawktute pui a, hriattir ṭhin turin a chah bawk.
MIC tarlan danin RTI dan hnuaiah MIC din kum khan SPIO mi 3 te chu dan an zawm kim loh avanga pawisa chawi tir an nih tawh thu leh Dept 40 chuang chu an hmalakna an tarlan ṭhat tawk loh avangin vaulawkna pek an nih tawh thu a sawi bawk.
He hunah hian CIC bakah Information Commissioner Pu Mangjangam Tothang leh MIC secretary Pu Dolianbuaia te an tel bawk a ni. (DD)
