03 Feb 2024: Mizorama Youth Comission chairman Pu Malsawmzuala Ralte chuan vawiin chawhnu dar 1:30 khan Japan Foundation atanga lo kal Tasei Toyomaru, Director leh a hote Vanapa Hall-ah a kawm a. Japanese tawng zirna lian zawk din theihna tur chungchang an sawiho.
MYC chairman chuan Japan rama Mizo thalai hnathawk tura kal thei an tam thu leh Japanese culture chu Mizote rilrem zawng tak a nih thu sawiin, Mizo thalaite a tam thei ang ber Japan rama hnathawk tura pui turin a ngen a. Pu Tasei Toyomaru pawhin Mizo thalaite tanpui tura an in peih thu a lo hrilh a. Japanese tawng leh culture zirna din dan tur plan mumal tak siam dun a, theihtawp a hma la ho turin an thawh dun an rem ti. He hmalakna tur hi financial year thar a tan turin duan nise an ti bawk.
