07 Feb 2024: Nimin tlai khan NGO Coordination Committee te chu an Chairman Pu Lalhmachhuana kaihhruaiin MZP Pisa, Aizawlah India Sawrkarin India leh Myanmar inrina hung a tum chungchang leh ramri hnaiha chengte inkalpawh theihna Free Movement Regime (FMR) thiah a tum chungchangte ngaihtuahin an thukhawm.
He hunah hian CYMA, MUP, MHIP, MZP leh MSU hruaitute an tel a. Thutkhawmah hian Myanmar ramchhungah Zofa unau thahnem tak an chen thu leh, Border Fencing leh FMR thiah tum chu Zofate inunauna leh inpumkhatna ti chhe thei a nih avangin NGOCC thukhawm chuan tha a tihloh thu an tarlang a, Mizo hnam thendarh tumnaah an ngaih thu an sawi a ni. FMR chu dan hnuaia Ramri hung hian ramri a chengte tan nasa taka harsatna a siam dawn avang leh, Mizo hnam inpumkhatna khawih chhe thei a nih avangin hemi kawnga hmalakna hi tihtawp a nih theihnan hmalak an rel ni.
NGO Coordination Committee thukhawm chuan Union Home Ministry-ah NGOCC hmingin Memorandum thehluh ni se, Mizoram sawrkarah pawh lehkha thehluh ni bawk se tiin an rel a. Hei bakah hian ramri hungin a nghawng tur state dangte pawh a tul anga thawhpuia sawm ni se an ti bawk a ni. (AIR)
