11 Feb 2024: Lunglei Police-te’n vawiin khan Sap Zu Um puitling 384 leh a neitu nia inchhalte manin; Rakzu fun 989 leh a neitu nia inchhal te an man.
Lunglei Police-te hian tukin dar 6:00 khan Lunglei Ramtharvengah Sap Zu Silchar atanga Maxicab-a lo phurh, Um 384 Lunglei tualchhung hralhna anga Rs 4,60,800/- man hu an man a, Zu phurhna lirthei hi Suzuki Fronx Car-in a zui niin an sawi. Heng Sap Zu an man neitute, Kabir Bharbhuiya, Bharul Bharbhuiya, Ahmed Laskar leh Sabir Bharbhuiya Silchar vek nia inchhalte chu an man nghal a ni.
Hei bakah hian Tuichawng atanga Lungleia phurh luh Rakzu fun 989, Lunglei tualchhung hralhna anga Rs 2,47,000/- man leh a neitu J.Lalrinfela Lunglei Ramtharveng nia in chhal leh Lalmuanpuia Lunglei Venglai nia inchhalte chu an man bawk a ni.
