12 Feb 2024: Vawiin chhun dar 12:00 khan Mizo Zirlai Pawl (MZP) General Headquarters hruaitute chuan Public Health Engineering (PHE) Department changtu Minister Prof. Lalnilawma chu a pisa-ah hmuin an inkawmho.
MZP hruaitute chuan Parva III a Zohnahthlak unau raltlante’n tui thianghlim an dawn theihna tura an mamawhte PHE Minister hnenah hian thlenin an sawipui a. Minister chuan harsatna thlente chu a tul ang zela chinfel a nih theih nan a rang thei ang bera hma a lak tur thu MZP hruaitute hi a hrilh a ni.
\ PHE Minister Prof. Lalnilawma chuan MZP chu sawrkar tha tichak tur leh Mizoram tihhmasawn kawngah sawrkar thawhpuia, thawhhona tha tak chhawmnung zel tum turin a sawm a ni. He inkawmhona hunah hian Lt. Col. Clement Lalhmingthanga, Champhai South bialtu MLA chuan PHE Minister hi a tawiawm a ni.
