21 Feb 2024: NGO Co-ordination Committee chuan vawiin khan Indo-Myanmar ramri hung leh Free Movement Regime hlih duh lovin punkhawm an huaihawt.
Indo-Myanmar ramri hung (Border Fencing) leh Free Movement Regime (FMR) hlih duh lovin Aizawl Vanapa Hall kawtah mi eng emawzat an pungkhawm a, Border Fencing leh FMR hlih an duh lohna lantirna thuziakte an keng a ni. NGOCC huaihawta mipui pungkhawm chuan resolution siamin, India sorkarin FMR a hlip leh Indo-Myanmar ramri hung a tum chu tha an ti lova, an dodal tih an tarlang a, FMR tih thar leh anih theihna tur leh Indo-Myanmar ramri hung tih tum hi thulh anih theih nana NGOCC hmalakna an thlawp tlat thu an tarlang bawk. (DDnewsmizoram)
