22 Feb 2024: Vawiin khan MINECO Secretariat Conference Hall-ah Pu Haukhuma Hauzel, IAS (Rtd), Vice Chairman, Mizoram Resources Mobilisation Committee hovin Mizoram Resources Mobilisation Committee leh Central Govt. Organisations te an thukhawm.
Meeting-ah hian Sorkar laipui hnuaia thawk department hrang hrang Mizoram chhunga awmte chuan an hnathawh dan, an mamawh leh an harsatna tawhte an sawi a, sutkianpui dan a awm chuan Mizoram tan tun aiin an thawhhlawk lehzual an inbeisei thu an tarlang a. Custom department hnuaia Kuhva rah tawlhruk vbch 131 hu man anih tawh thu tarlangin, an mansa dahthatna hmun tur godown an indaih lohna chuan harsatna a thlen thu an sawi lang bawk.
Central Government employees te hian Mizoram sorkarin an chenna tur quarters ngaihtuahsak thei se an duh thu an tarlang bawk a ni. Meeting kaihruaitu Resources Mobilization Committee Chairman chuan Mizoram tan an theihtawp chhuah tura chahin, a bik takin Tax and Non-Tax Resources base tihsan anih theih nan an thiamna leh theihna hmanpui turin kalkhawmte chu a chah a. Mizoram hmasawnna atan an thiltihtheih te ziaka committee hnenah thehlut turin a ngen bawk a ni.
