07 March 2024: Vawiin khan National Highway(NH) 54 kawngpui sial hna thawhin an chenna In a tihchhiat dawn avanga zangnadawmna pek tawh, an chenna in thiahna tur thupek “Eviction Notice” pawh pek tawh, an chenna In la thiat duh lo leh insenghawi duh lo Țhualƫhu khuaa Pi Hmangaihthangi, Pu T.Thanliana, Pu Lalruata leh Pi Rinawmi te chenna In chu Competent Authority for Land Acquisition (CALA), Lunglei District aiawh Pu K.Lalhlimpuia, Assistant Sattlement Officer leh Executive Magistrate ni bawk hova ṭhiah sak leh a ni.
Tahrik ni 5/3/2024 khan Tawipui ‘S’ khuaa Pu S. Lalnghinga In pawh lo thiahsak tawh a ni.
NH54 kawngpui sial mekin an chenna in a tihchhiat dawn avanga zangnadawmna an lo pek tawh, mahse In la thiat loh leh insaseng duh loh te hi vawi tam, thuneituten an in te thiata, insaseng turin a lo hriattir tawh a. Mahse thupek zawm duh loh an la awm cheu avangin tahrik ni 5/3/2024 atang khan Competent Authority for Land Acquisition (CALA), Lunglei district chuan hma a la tan ta a ni. (DIPR)
