08 March 2024: Excise & Narcotics Department Lunglei chuan February 2024 chhung khan thubuai 23 ziaklutin; heng thubuai kaihhnawihah hian mihring 30 an man.
Excise department Lunglei-te’n thla liamta February thla chhunga an thubuai ziahluhte hi NDPS Acts ’85 hnuaiah 10 niin hemi kaihhnawihah hian mihring 14 an man a, MLP Act ’19 hnuaiah thubuai 13 ziaklutin, hemi kaihhnawihah hian mihring 16; an vaiin mi 30 an man. Heng bakah hian Rakzu litre 303.56, Sapzu Um puitling 4 leh Heroin No 4 Kg 1.359 an man bawk a ni.
Excise Department Lungleia thawktute chuan ruihhlo dona kawngah theihtawp tak meuh an chhuah thu sawiin, Lunglei khawpui chhunga ruihhlo tamna vengte chu a theih anga tam an tlawh thin bakah ramhnuai lamah pawh Zu siamna hmun nia an hriatah te a khat tawkin an kal thin tih an sawi a, hetihlai hian thawktu indaihloh piah lamah lirthei pakhat chauh an neih avanga harsatna an neih thin thu leh duh anga hnathawh chak a har thu kan palai an hrilh a ni.
